23 DE ABRIL, DÍA DO LIBRO

A SEMANA PASADA E ESTA ESTAMOS TRABALLANDO AO REDOR DOS LIBROS: TIPOS DE LIBROS, COMO COIDALOS, COMO REPARALOS, ONDE E COMO COLOCALOS... TAMÉN CONTAMOS ALGUNHAS DAS AVENTURAS DE DON QUIXOTE DA MANCHA, E SOBRE A VIDA DE MIGUEL DE CERVANTES. PERO A ACTIVIDADE QUE MÁIS NOS GUSTOU FOI TRAER AS NOSAS MALETAS, BOLSAS, CARPETAS OU CAIXAS DECORADAS A CLASE COS NOSOS LIBROS PREFERIDOS DENTRO. CONTAMOS AOS AMIGOS E ÁS AMIGAS PORQUE ESCOLLEMOS ESE LIBRO E DESPOIS LLO FOMOS CONTANDO. TAMÉN FIXEMOS UNHA PRESENTACIÓN DE POWER POINT COA AXUDA DA PROFE, ONDE NÓS ESCRIBIAMOS "AO NOSO XEITO": O NOSO NOME, O TÍTULO E PORQUE NOS GUSTABA E DESPOIS A PROFE CORRIXÍANOS. AO FINAL VIMOS COMO QUEDOU A NOSA PRESENTACIÓN COAS ANIMACIÓNS QUE LLE METEMOS.
 ALGUNHAS FOTIÑOS, DE COMO FOMOS
DESENVOLVENDO AS ACTIVIDADES:



VELAQUÍ AS PRESENTACIÓNS

Os libros que mais nos gustan 2 from EDLGVILAVERDE

O DÍA DO LIBRO 2015

NO COLEXIO ESTE ANO ESTAMOS A PREPARAR A CELEBRACIÓN DO DÍA DO LIBRO CON VARIAS ACTIVIDADES.
UNHA DELAS É DE ANIMACIÓN LECTORA. CON ELA PRETENDEMOS TAMÉN QUE AS NENAS E OS NENOS SE COÑEZAN MELLOR (RECOÑECENDO OS GUSTOS LECTORES) E QUE SE EXPRESEN ORALMENTE.
CADAQUÉN PRESENTA O LIBRO QUE MÁIS LLE GUSTA AO RESTO XUSTIFICANDO O POR QUE.
RECOLLEMOS A PROPOSTA NUN LIBRO DIXITAL EN FORMATO PPT QUE XA VOS ENSINAREMOS.
OUTRA DAS ACTIVIDADES VAI ESTAR RELACIONADA CON CERVANTES E O SEU LIBRO CUME...
E ADEMAIS FALAREMOS DO LIBRO...

TEORÍAS EXTINCIÓN DOS DINOSAUROS (4 ANOS A)

DESPOIS DAS NOSAS NOSAS HIPÓTESES VISIONAMOS VIDEOS SOBRE A EXTINCIÓN DOS DINOSAUROS PARA COMPROBAR AS NOSAS IDEAS.

TEORÍAS DINOSAUROS (4 ANOS A)

AGORA QUE XA SABEMOS AS POSIBLES TEORÍAS DA EXTINCIÓN DOS DINOSAUROS IMOS DEBUXALAS E ESCRIBILAS.

 

 

TEORÍAS DE EXTINCIÓN (4 ANOS A)

XA ESTAMOS DE VOLTA DAS VACACIÓNS RETOMANDO AS NOSAS ÚLTIMAS INVESTIGACIÓNS SOBRE OS DINOSAUROS. DESPOIS DE APRENDER MOITAS COUSAS SOBRE OS DIFERENTES TIPOS DE DINOSAUROS E CÓMO OS PALEONTÓLOGOS  E AS PALEONTÓLOGAS AVERIGUARON COUSAS SOBRE ELES NAS EXCAVACIÓNS E COMO FACÍAN PARA ESTUDALOS E LEVALOS AOS MUSEOS...AGORA IMOS INVESTIGAR CÓMO FOI QUE DESAPARECERON, E POR QUE? ESTAS FORON AS NOSAS HIPÓTESES...

FESTA ANTES DAS VACACIÓNS

O ÚLTIMO DÍA ANTES DE VACACIÓNS, XUNTÁMONOS AS DÚAS CLASES DE 4 ANOS, PARA QUE CADA CLASE CONTASE Á OUTRA O QUE APRENDERA SOBRE O PROXECTO. ASÍ NOS DECATAMOS DE VARIAS COUSAS QUE NON SABIAMOS. DESPOIS FIXEMOS UNHA RICA MERENDA DA ERA XURÁSICA. AS PROFES COMPRÁRONNOS: BOLIÑOS, GUSANITOS... CADA UN DE NÓS FOMOS FACENDO UN DINOSAURO E CANDO OS REMATAMOS COMEMOS.

 ESTABAN BOS!!!

FÓSILES

BUSCAMOS INFORMACIÓN SOBRE OS FÓSILES. DESPOIS CON BARRO FIXEMOS UNHA PEGADA DE DINOSAURO E DEIXÁMOLA SECAR PARA QUE SE PUXESE DURO COMA SE FOSE UN FÓSIL.

O NOSO MUSEO

QUERIAMOS IR DE EXCURSIÓN A UN MUSEO DE DINOSAUROS, PERO AS PROFES DIXÉRONNOS QUE TODOS ESTABAN MOI LONXE E NON ERA POSIBLE. ENTÓN DECIDIMOS FACER O NOSO PROPIO MUSEO E POÑERLLE UN NOME. DENTRO METEMOS DIFERENTES TRABALLOS QUE FIXEMOS EN CLASE: VITRINAS CON ESQUELETOS, VOLCÁN, INFORMACIÓN, DEBUXOS... TAMÉN METEMOS UN ESQUELETO DE DINOSAURO QUE FIXEMOS EN CLASE CON "CANUTILLOS" DE PAPEL HIXIÉNICO.

SOMOS PALEONTÓLOGOS

ESTIVEMOS A BUSCAR INFORMACIÓN DE DIFERENTES MUSEOS QUE TIÑAN DINOSAUROS.  ENTRAMOS NO MUSEO XURÁSICO DE ASTURIAS (MUJA)E VIMOS VARIOS VÍDEOS,  DE COMO É POR DENTRO E POR FÓRA.
UN DÍA CHEGOUNOS A CLASE UNHA CARTA, DUN PALEONTÓLOGO DO MUSEO MUJA, QUE NOS EXPLICABA: AS FERRAMENTAS E TODO O PROCESO QUE USAN NA BUSCA DE FÓSILES DE DINOSAUROS. TAMÉN NOS DICÍA QUE NOS PREPARARA UN XOGO PARA BUSCAR ÓSOS NO PATIO.

PREPARÁMONOS PARA SAÍR AO PATIO A BUSCAR OS ÓSOS QUE NOS DICÍA O PALEONTÓLOGO,  CON: FERRAMENTAS, PINCEIS, PAPEL PARA ENVOLVER OS ÓSOS E BOLSAS PARA METELOS. BUSCAMOS O XACEMENTO, E MANS Á OBRA A ESCAVAR DEVAGAR PARA NON OS ROMPER. LIMPÁMOLOS COS PINCEIS,  ENVOLVÉMOLOS EN PAPEL CADA UN POR SEPARADO E METÉMOLOS EN BOLSAS. CANDO CHEGAMOS Á CLASE,  A CADA BOLSA PUXÉMOSLLE UNHA ETIQUETA CON: O LUGAR ONDE OS ENCONTRAMOS, DATA E OS NOMES DOS PALEONTÓLOGOS.
DESPOIS POR EQUIPOS PUXÉMONOS A CONSTRUÍR OS ESQUELETOS COS ÓSOS ENCONTRADOS E CON PLASTILINA,  PARA EXPOÑER NO NOSO MUSEO.