REMATA O CURSO

O DÍA 19 MARCHAMOS DE VACACIÓNS...
IMOS DE VACACIÓNS DESPOIS DE TER UNHA FESTIÑA COAS COMPAÑEIRAS E COS COMPAÑEIROS E DE ASISITIR NO PATIO A UNHAS ACTUACIÓNS.

VÉMONOS EN INFANTIL DE 5 ANOS!

VACACIÓNS PARA APRENDER

IMOS DE VACACIÓNS... NAS VACACIÓNS TAMÉN APRENDEMOS:

• OBSERVANDO AO NOSO REDOR
• AMPLIANDO O NOSO VOCABULARIO
• ESCOITANDO CONTOS E HISTORIAS
• XOGANDO COA AREA E COA AUGA
• ...

AQUÍ TEMOS SUXESTIÓNS VARIADAS ONDE ELIXIR

Suxestións para o verán 2015 i4 from xianadecide

REMATA O PROXECTO DAS ABELLAS

A ÚLTIMA SEMANA REMATAMOS O PROXECTO DAS ABELLAS. APRENDEMOS MOITOS CONTIDOS DE: AS ABELLAS, OS INSECTOS, A POLINIZACIÓN DAS PLANTAS...
COMO O TRABALLAMOS DE FORMA GLOBALIZADA TAMÉN APRENDEMOS: NÚMEROS, FORMAS XEOMÉTRICAS (HEXÁGONO), ESCRIBIR (PALABRAS, FRASES, TEXTOS...), DESENVOLVER A CREATIVIDADE CON DIFERENTES EXPERIENCIAS PLÁSTICAS, OPINAR, RAZOAR, DIALOGAR, VOTAR...ETC.

ADORNAMOS OS CORREDORES CON MURAIS DE FLORES E INSECTOS, E ATA UNHA COLMEA CON MOITAS ABELLAS. TAMÉN UN MURAL CUN MAPA MENTAL, QUE NOS SERVIU PARA REPASAR E AVALIAR O PROXECTO.

FOMOS O LABORATORIO

UNHA AMIGA DE CLASE TRÓUXONOS UN AVESPOREIRO.  DAS CELAS QUE ESTABAN TAPADAS PUIDEMOS SACAR: LARVAS E PUPAS EN DIFERENTES FASES.
VÍMOLAS EN CLASE CON LUPAS PERO GUSTÁBANOS VELAS MÁIS GRANDES, ASÍ QUE SUBIMOS AO LABORATORIO, PARA PODER OBSERVALAS COAS LUPAS BINOCULARES. QUEDAMOS MOI SORPRENDIDOS E SORPRENDIDAS POLO GRANDES QUE PARECÍAN.
TAMÉN OBSERVAMOS: POLE, CELAS, ÁS DE ABELLA, ABELLAS...

VERMES DE SEDA

NO PROXECTO DAS ABELLAS, FALAMOS DOS INSECTOS E VIMOS AS SÚAS CARACTERÍSTICAS.
COMO AS BOLBORETAS TAMÉN SON INSECTOS, NA CLASE TIVEMOS VERMES DE SEDA.
VIMOS TODO O PROCESO DA METAMORFOSE: PRIMEIRO SAIRON DO OVO (PARECÍAN FORMIGAS MOI PEQUENAS), DESPOIS EMPEZARON A CRECER E ENGORDAR, CO QUE LLE DABAMOS DE COMER, COMEZARON A FACER O "CAPULLO" E AO FINAL SAÍAN DO "CAPULLO" E TRANSFORMÁBANSE EN BOLBORETAS.






TAMÉN DECIDIMOS FACER INSECTOS DE PLASTILINA, MIRADE QUE BONITAS NOS QUEDARON AS XOANIÑAS

SEMENTAMOS LENTELLAS

DURANTE DÚAS SEMANAS TAMÉN ESTIVEMOS A TRABALLAR SOBRE O SOLO. DE QUE ESTABA COMPOSTO, COMO COIDALO, QUEN VIVE NEL ...
FIXEMOS UNHA MACETA EN FORMA DE ABELLA, ONDE FOMOS SEMENTANDO LENTELLAS.
GUSTOUNOS MOITO A ACTIVIDADE. FOMOS VENDO COMO NACIAN AS PLANTIÑAS E COMO ÍAN CRECENDO DÍA A DÍA AXUDADAS POLA AUGA, A TERRA E O SOL.

O VELENO DAS ABELLAS

ESTA SEMANA CARLA BOUZAS DE 4 ANOS A, TROUXO AO COLE INFORMACIÓN SOBRE OS BENEFICIOS DO VELENO DAS ABELLAS E APRENDEMOS VOCABULARIO NOVO (APITOXINA, APITERAPIA, ...) COMPARAMOS CON OUTRAS PALABRAS XA COÑECIDAS, DESCUBRIMOS QUE VARIAS COMEZABAN POR API-, PLANTEXAMOS HIPÓTESES DE POR QUE SERÍA... E FIXEMOS UN MAPA MENTAL ESCRIBINDO OS BENEFICIOS DA APITERAPIA.

 
 

DESPOIS BUSCAMOS NOTICIAS DE ABELLAS EN INTERNET E DESCUBRIMOS A IMPORTANCIA DAS ABELLAS PARA CURAR OU CALMAR ENFERMIDADES, E COMO PODERIAMOS CHEGAR  EXTINGUIR SE AS ABELLAS DESAPARECERAN, POLA SÚA IMPORTANCIA PARA A POLINIZACIÓN. TAMÉN ATOPAMOS NOTICIAS CURIOSAS SOBRE ONDE FAN AS COLMEAS AS ABELLAS OU OS PERIGOS QUE PODEN CAUSAR...

APÍPOLIS

HOXE FOMOS A APÍPOLIS.  PASÁMOLO MOI BEN!! DURANTE A FIN DE SEMANA, A TRAVÉS DAS FOTOS, PODEMOS LEMBRAR CONVOSCO TODO O QUE FOMOS FACENDO.
                                                 ESCOITADE QUE VOS CONTO...

AS ABELLAS

SEGUIMOS CO PROXECTO DAS ABELLAS. DEIXÁMOSVOS UNHAS IMAXES DAS IDEAS QUE TIÑAN DAS ABELLAS AO PRINCIPIO DO PROXECTO:


FIXEMOS UNHA LISTAXE DE PREGUNTAS QUE QUERIAMOS INVESTIGAR SOBRE AS ABELLAS:

DURANTE ESTAS SEMANAS INVESTIGAMOS MOITO: OS TIPOS DE ABELLAS, AS SÚAS PARTES, ANIMAIS QUE SON INSECTOS, CARACTERÍSTICAS DOS INSECTOS, A IMPORTANCIA DA POLINIZACIÓN, OS INIMIGOS DAS ABELLAS, OS DIFERENTES PRODUTOS QUE NOS PROPORCIONAN, AS APICULTORAS E OS APICULTORES, A METAMORFOSE... ETC 

ESTAMOS MOI EMOCIANADAS E EMOCIONADOS PORQUE O VENRES IMOS A APÍPOLIS!!