Estes días foi o momento de expoñer aos compañeiros e ás compañeiras os pósters sobre as nosas investigacións sobre a velutina que tanto traballo nos levou, pero aprendemos dabondo!
ESTE É O BLOG DAS NENAS E NENOS DE 6º DO CEIP VILAVERDE. AQUÍ VAN APARECER ACTIVIDADES, FOTOS, MENSAXES, ... E TAMÉN TEMOS TODO O QUE FIXEMOS NOS CURSOS ANTERIORES.
30/11/18
23/11/18
CONMEMORACIÓNS NO COLE
O día 25 de novembro conmemórase o Día Internacional contra a Violencia de Xénero. Desde as aulas é importante non deixar no esquecemento que calquera conflito ou dificultade se pode resolver a través das palabras, de palabras con corazón.
Para iso, lemos uns libros que nos axudan a comprender estas cuestións, á vez que traballamos comprensión lectora e expoñemos as nosas experiencias.
"Cuando las niñas vuelan alto" transmítenos unha noción de igualdade e de perseverancia para conseguir os nosos propósitos, sexan cales sexan.
E para completar estas tarefas, o mestre Manuel contounos dúas historias que tratan de abrir os ollos e as orellas para poñer a nosa atención na prevención do maltrato de xénero.
21/11/18
CONCERTO FETÉN FETÉN
Saímos do cole por primeira vez neste curso para gozar da obra "El mágico mundo de los instrumentos insólitos", interpretada polo dúo Fetén-Fetén.
Foi divertido, pois fixéronnos bailar e deixáronnos abraiadas e abraiados ao faceren soar obxectos que de por si non son instrumentos: un serrucho, un caldeiro da praia...
Aquí vos deixamos unhas fotos do momento, clica na imaxe para acceder ao álbum completo.
17/11/18
ENCHEMOS DE VIDA O NOSO MURAL DO OUTONO!
Xa era chulo dabondo, pero agora o alumnado de terceiro achegou as súas creacións ao mural e mesmo parece outro!
Recollemos follas, fixemos un animaliño con elas e logo disto, creamos uns "pareados". Finalmente gravámonos de forma moi profesional para que todas e todos puiderades gozar do noso fantástico traballo!
Aquí vos deixo o traballo do grupo de terceiro B. Desexo que vos guste o resultado!
Recollemos follas, fixemos un animaliño con elas e logo disto, creamos uns "pareados". Finalmente gravámonos de forma moi profesional para que todas e todos puiderades gozar do noso fantástico traballo!
Aquí vos deixo o traballo do grupo de terceiro B. Desexo que vos guste o resultado!
13/11/18
ASÍ DE BEN O PASAMOS NA FESTA DO MAGOSTO
Antes da degustación, preparamos os cucuruchos nas aulas e despois gozamos de xogos tradicionais, os de toda a vida, que non deixan de ser moi divertidos.
Preme aquí para acceder ao álbum completo.
11/11/18
A FESTA DO MAGOSTO
A TÉCNICA DO MARMOLADO
Consiste en mesturar cores coa escuma de afeitar creando vetas como as do mármore. Podémolo empregar para decorar papeis, sobres, carteis...
Mirade que ben o pasamos practicando esta técnica.
Mirade que ben o pasamos practicando esta técnica.
COÑECIADES ESTE USO DA ESCUMA DE AFEITAR?
Que ben o pasamos descubrindo outros usos dos materiais que temos pola casa!
Utilizamos escuma de afeitar para elaborar papel marmolado e, aínda que ao primeiro non nos saíu moi ben, nótase como a nosa técnica foi mellorando coa práctica.
Utilizamos escuma de afeitar para elaborar papel marmolado e, aínda que ao primeiro non nos saíu moi ben, nótase como a nosa técnica foi mellorando coa práctica.
AS EXPOSICIÓNS NON PARAN!
Pasaron uns cantos festivos pero iso non impide que as nosas exposicións orais continúen. Seguimos mellorando a nosa expresión oral, e sobre todo, aprendemos a perder o medo a falar ante moitas persoas.
Esta tempada, tres foron os valentes de terceiro B que se apuntaron a isto de contarnos algo que prepararan voluntariamente na casa.
Moitas grazas e parabéns!
Suscribirse a:
Entradas (Atom)